नेपाल संवत् ११४४ कछलाथ्व: चौथि

प्रेस पिथना

ने सं ११४३ कौलागा: आमै, सोमबारकुन्हु येँय् च्वंगु मन्त्रिपरिषदया बैठकं आवंलि सरकारी दस्तावेजय् नेपाल संवत् छ्यलेगु थें तसकं च्वछाये बह:गु निर्णय या:गुलिं नेपाल सरकार लिसें थुगु निर्णयय् संलग्न सकल मन्त्रीगणपिन्त हलिं नेवा: दबूया पाखें यक्व सुभाय् द्यछाना च्वना ।

ता:ई निसें संघर्षरत् न्हूदँ समारोह समितिया वर्तमान नाय: प्रा. नरेश मान बज्राचार्यजुया अर्थपूर्ण नाय:सुइ समितिं थजा:गु महत्वं जा:गु लिच्वः हयेत ता:लाःगुलिं वसप्वल व सकल दुज:पिन्त नं यक्व भिंतुना द्यछाना च्वना । लिसें नेपाल संवतयात फयां फक्व यक्व छ्यलाबुलाय् हयेत सकल नेपा:मिपिन्त हलिं नेवा: दबूया पाखें इनाप यानाच्वना।

संयुक्त श्रेष्ठ

नाय:,

हलिं नेवा: दबू

Decision Nepal Government Nepal Sambat WNO