नेपालभाषाया नांजाःम्ह साहित्यकार व वर्ल्ड नेवाः अर्गनाइजेशनया मू दुजः व नेपाः च्याप्टरया मूछ्याञ्जे रश्मिला प्रजापतिया अबु भाजु श्यामदास प्रजापति मदुगुलिइ वर्ल्ड नेवाः अर्गनाइजेशन श्तव्ध जूगु दु । वय्कःयात लुमंकुसें वर्ल्ड नेवाः अर्गनाइजेशनया सकल दुजःपिंपाखें बिचाः हायेका च्वना ।बाखं व मुक्तकय् मुख्य रुपं थःगु ल्हाः न््हयाकादीम्ह व पल्पसा साहित्य ख्यः, नेपालभाषा प्रगतिशील च्वमि गुथि, पलिस्था, क्षितिज सांस्कृतिक परिवार, मिब्वाला सांस्कृतिक समूह अदिलिसे नं आबद्ध जुयाःदीम्ह भाजु प्रजापति मदयाः नेपालभाषा साहित्य ख्यः व समग्र नेवाः ख्यःयात पूमवनीगु क्षति जूगु दु ।

थ्व दुःखया घडिइ मदुम्हसिया आत्माया चीर शान्तिया कामना यासें दुःखंकःपिं छेँजःपिन्त धैर्यधारण यानाः नुगः चिइ फयेमा धकाः कामना यानाच्वना ।
सुभाय् ।

—————
सुभाषराम प्रजापति
मू छ्याञ्जे