कवि नाति वज्रया ८६ क्व:गु बुन्हि तःजिक हन

विश्व नेवाः संगठन – हलिं नेवाः दबूया ग्वसालय् न्हिल्याः ने.सं. ११४४ तछलागाः दशमी (असार १७ गते) जूम प्रविधि पाखें कवि, भाषा सेवी व सफूधुकू थुवाः नातिवज्र वज्राचार्यजुया ८६ क्व:गु वुन्हि तःजिक हनेगु ज्या जुल ।

कवि नाति वज्रया जहान भाषासेवी प्रमिला वज्राचार्यजुं नाति वज्रया किपाय् खादा क्वखायेकाः शुभारम्भ जूगु थुगु ज्याझ्वलय् नेपाःया नापनापं विश्वया थीथी देय्या मनूतसें तसकं मन तयेक ब्वति कयादीगु खः । दकले न्हापां लोककवि राजभाइ जकःमिजुं प्रतिभा साहित्यिक परिवार न्ह्याकेया लागी कवि नाति बज्रजुं यानादीगु योगदानया खँ न्ह्यथसें कवि नाति बज्रजुया जीवनीया निधंसाय् च्वयातःगु चिनाखँ छपु ब्वनाः न्यंकादीगु खः ।

थुगु ज्याझ्वलय् साहित्यकार व भाषासेवी शान्त रत्न शाक्यजुं नाति वज्रजुया थीथी पक्षयात कयाः न्वं वानादीगु झ्वलय् नाति वज झी कवि चित्तधर हृदय्रया अतिकं यःम्ह व्यक्ति खः, नाति बज्रया इहिपाःया इलय् चित्तधरजुं लुँया अंगू छपाः, टप छज्वः व घरि छगः बियादीगु खँ न्ह्यथना दिल ।

अथेहे च्वमि व अन्वेषक वसन्त महजर्नजुं कवि नाति वज्रजु बहुआयामिक व्यक्ति खः, वय्कः कवि, भाषा सेवी व सफूधुकू थुवाः जक मखु छम्ह वौद्ध धर्मया सेवक नं खः धयादिल नापं वय्कलं नाति वज्रजुं पसलय् च्वच्वं यक्व साहित्यकार व भाषा सेवीपिं जन्म याःगु दु धयादिल । थुकलं हे वरिष्ठ संगीतकःमि मनराजा नकःमिजुं नाति वज्रजुया म्ये पक्षया खँय् थःगु नुगः खँ तसे कवि नाति वज्रजुं च्वयादीगु पिहां मवःनिगु स्वपु म्ये न्यंकादीगु खः ।

थुकथं हे थ्व ज्याझ्वलय् हलिं नेवाः दबूया न्हापायाम्ह नायः सीजन श्रेष्ठजुं तःदँ न्ह्य कयातःगु दुर्लभगु भिडिओ व सफू सहकारीं नातिबज्रजुयात हनेज्या याःगुु ज्याझ्वःया भिडिओ नं क्यनेज्या जूगु खः । थुगु ज्याझवलय् हनेबहःपिं सीसन श्रेष्ठ, शुशिल ताम्रकार व हलिं नेवाः दबूया केन्द्रीय न्वकू शाक्य सुरेनजुपिंसं नं नाति वज्रजुया योगदानया बारे नुगः खँ प्वंकादीगु खः । नुगः खँ तयेगु झ्वलय् प्रमिला वज्राचार्यजुं थुगु ज्याझ्वः न्ह्याकादीगुलिं परिवार पाखें कृतज्ञता देछाना दिल ।

अथे हे नाति वज्रया म्ह्याय् मय्जु नःलि बज्राचार्यजुं नाति बज्रजु च्वमिजक मखु सुचिकाः ज्या, सिँकःमि ज्या, स्वां ह्वय्के ज्याय् नं तसकं निपुर्णम्ह व्यक्ति खः धया दिल । नापं वय्कलं गरीवया कारणं बजारय् न्यानाः मखु मोहनी थें जाःगु नखः बलय् थःम्ह हे लाकां सुयाः, लँ सुयाः थःपिन्त बीगु खँ न्ह्यथनादिल । सुभाय् न्वचुया झ्वलय् दबूया नेपाः च्याप्टरया नायः सुरेन्द्र भक्त श्रेष्ठजुं कवि नाति वज्रजुया प्रेरणां थः व्यवसाहिक पत्रकार ख्यलय् न्ह्याः वयेत हःपाः जूगु खँ न्ह्यथना दिल । हलिं नेवाः दबूया मूदुजः व डब्लूडिविया कजि डा नरेश शाक्यजुं न्ह्याकादीगु थुगु ज्याझ्वः बहनी ८ तानिसें १० ता तक न्ह्याःगु खः ।

भिडियो थन स्वयादीफइ – https://www.facebook.com/worldnewah/videos/1005134271195552

World Newah Organization, Hali Newah Dabu organized the event to celebrate 86th birth anniversary of poet, language activist and bookstore owner Nativajra Bajracharya through Zoom technology on Jul 01, 2024.

Language activist Pramila Bajracharya, wife of Nati Vajra, started the program by paying homage to the portrait of Nati Vajra. People from different countries, as well as Nepal, participated in the program.

First of all, LokKavi Rajbhai Jakami read out a poem written on the basis of the biography of poet Nati Bajraju, mentioning the contribution of poet Nati Bajraju for the development of Pratibha Literary Family.

Literary and language activist Shanta Ratna Shakya spoke about various aspects of Nati Vajra. Nati Vajra is a very beloved person of our poet Chittadhar Hridaya.

Meanwhile, writer and researcher Basanta Mahjarn said that poet Nati Vajraju is a multi-dimensional person. He is not only a poet, language activist and librarian but also a servant of Buddhism. He also said that Nati Vajra has given birth to many writers and language activists while staying in the shop.

Senior musician Manraja Nakami expressed his views on Nati Vajraju’s songs and performed three unreleased songs written by poet Nati Vajraju. Similarly, a rare video taken by former World Nepali Forum President Sijan Shrestha and a video of the book cooperative honoring Nati vajra were also screened at the function.

Honorable Sisan Shrestha, Shushil Tamkar and World Nepali Forum Central President Shakya Suren also spoke on the contribution of Nati Vajra Jyu. Speaking on the occasion, Pramila Bajracharya expressed her gratitude on behalf of the family for conducting the programme.

Meanwhile, Nati Bajra’s daughter Nahli Bajracharya said that Nati Bajra is not only a writer but also a very skilled cleaning, carpentry and swan making. She also said that in the past, they would not buy things from the market due to poverty. Instead, her father used to sew clothes and shoes and would give them to them during festivals like Mohani.

During his welcome speech, Dabu Nepal Chapter President Surendra Bhakta Shrestha said that the inspiration of poet Nati Vajraju encouraged him to move forward in the field of professional journalism.

The program was conducted by World Nepali Forum General Member and WDV Secretary Dr. Naresh Shakya from 8 pm to 10 pm.