नेपाःया छगू सभ्य, सुसंस्कृत व बिस्कं म्हसीका दुगु जाति खः नेवाः । नेपाः देय्या हे म्हसीका तकं कुबियाच्वंगु नेवा जाति थौं हलिंन्यंकंया कुंकुलामय् थ्यनाच्वंगु दु । थःगु लजगाः, नोकरी, व्यापार, व्यवसाय व अध्ययनया झ्वलय् हलिंया हरेक देशय् च्वनाः नं थःगु जातीय म्हसीका, भाषा, कला, संस्कृति, साहित्य, रीतिथिति, नखःचखः आदिया उत्थान यायेगु, उकियात च्वन्ह्याकेगु, हलिंया मेमेगु समुदाय दुने नं परिचित यायेगु ज्या याना वयाच्वंगु दु ।

हलिंन्यंकंया कुंकुलामय् न्यना वनाच्वंपिं नेवाःतय्त अझ छधीछप्पँ यायेगु तातुनाः थनिं झिदँ न्ह्यः विश्व नेवाः संगठन÷वल्र्ड नेवाः अर्गनाइजेसन (World Newah Organization) गठन जूगु खः । थनिं झिदँ न्ह्यः पलिस्था जूगु थ्व संगठन वइगु ने.सं. ११४१ गुंलाथ्व चतुर्दशि, ईश्वी संवत् २०२१ अगस्त २१ तारिख शनिवाःकुन्हु छगू दशक क्यनेत्यंगु दु । थ्व झी सकसिगुं निंतिं लसताया खँ खः ।

हलिं नेवाः दबू छगू दशक क्यंगु लसताय् न्हापांखुसी ‘हलिं नेवाः न्ह्यसः लिसः कासा ११४१’ (World Newah Quiz Contest-2021) ग्वसाः ग्वयेत्यनागु छितः लसतां कनाच्वना । न्ह्यसः लिसः कासा थ्व हे ने.सं. ११४१ गुंलाथ्व षष्ठि, ईश्वी संवत् १४ अगस्ट, २०२१ (०७८ साउन ३०) शनिवाःनिसें शुरु जुइ । थौंया आधुनिक युगय् प्रविधिया माध्यमं जुइगु थ्व कासाय् ब्वति कायेत नेपाःलिसें विश्वया हरेक देशय् च्वंपिं झिंनिगू तगिंतकया ब्वँमिपिं (१८ दँ तक दुपिं) जुइमाः ।

कासाय् ब्वति काये योग्यपिंसं विश्व नेवाः संगठन (World Newah Organization) या वेबसाइट www.worldnewah.org लय् वनाः वइगु गुंलाथ्व द्वितिया, ने.सं. ११४१ १० अगस्ट दुने क्वःछिनातःगु शुल्क पुलाः फाराम जायेकादीफइ । कासाय् ब्वति कायेत नेपाः दुनेया छगू पुचःया निंतिं १,०००÷– (द्वःछि का) व नेपालं पिनेच्वंगु छगू पुचःया निंतिं २५ डलर शुल्क पुलेमाः ।

कासाय् मुक्कं स्वीनिगू पुचःयात जक दुथ्याकेगु जुइ । ब्वति काइगु पुचःयात समूह विभाजन यानाः छगू समूहय् प्यंगू पुचः दुथ्याकाः कासा यायेगु जुइ ।
न्हापांगु चरणय् उत्कृष्ट निगू पुचः (न्हाप व लिउ) निगूगु चरणय् वनी । निगूगु चरणय् उत्कृष्ट छगू पुचः स्वंगूगु चरणय् दुहां वनी । उकी नं उत्कृष्ट जुइत ताःलाःगु पुचः बिजं कासा (फाइनल)य् दुहां वनीगु व दकलय् लिपा प्यंगू पुचःया दथुइ जुइगु बिजं कासाय् न्हाप, लिउ, लियांलिउ, हःपाः सिरपाः त्याकेत ताःलाःपिंत नगद सिरपाः बीगु जुइ । लिसें प्रत्येक समूह चरणय् नं उत्कृष्टयात सिरपाःया व्यवस्था दुगु जानकारी बिया च्वना ।

बिजं कासाय् न्हापयात ६०० अमेरिकी डलर, लिउयात ४०० अमेरिकी डलर, लियांलिउयात ३०० अमेरिकी डलर व हःपाःयात १५० अमेरिकी डलर सिरपाः बीगु जुइ ।
थुगु हलिं नेवाः न्ह्यसः लिसः कासा ताःलाकेत भाजु विमलमान श्रेष्ठ (क्यानाडा)या संयोजकत्वय् झिंन्याम्हेसिया छगू न्ह्यसः लिसः कासा ग्वसाः पुचः नं नीस्वंगु दु । उगु पुचलय् संयुक्त श्रेष्ठ (बेलायत) व दीपेशमान शाक्य (आयरल्याण्ड) लिउ कजिकथं च्वनादीगु दु ।

थुकथं हे दुजलय् केशरमान ताम्राकार (अमेरिका), कृष्ण चखुं (बेलायत), उत्तम माकजु (क्यानाडा), भुषणलाल श्रेष्ठ (अमेरिका), नरेश ताम्राकार (क्यानाडा), रश्मिला प्रजापति (नेपाल), शाक्य सुरेन (नेपाल) शोभित शाक्य (इस्टोनिया), मय्जु रजनी श्रेष्ठ (बेल्जियम), समन्त वज्राचार्य (अमेरिका), कमल श्रेष्ठ (न्युजिल्याण्ड), उदेन न्हूसाय्मि (नेपाः) दुजःकथं च्वनादीगु दु ।

कासा ताःलाकेत दया शाक्य (अमेरिका)या संयोजकत्वय् योग्यता व निर्णायक कमिटी, केशरमान ताम्राकार (अमेरिका)या संयोजकत्वय् न्ह्यसः लिसः निर्माण कमिटी, संयुक्त श्रेष्ठ (बेलायत)या संयोजकत्वय् न्ह्यसः लिसः कासा प्रविधि कमिटी, भूषणलाल श्रेष्ठ (अमेरिका)या संयोजकत्वय् अर्थ व्यवस्थापन समिति, रश्मिला प्रजापति संयोजक व उदेन न्हूसाय्मि (नेपाः) सह संयोजक जुयादीगु प्रचारप्रसार कमिटी गठन यानातःगु दु । सामाजिक संजाल संयोजककथं मय्जु लालिमा श्रेष्ठ, आशुतोष बाराही व पुजल वज्राचार्ययात ल्यःगु दु ।
थुकथं हे डब्लुएनओया नायः सिजन श्रेष्ठ, संरक्षक दया शाक्य व नारायण राजभण्डारीयात सल्लाहकारकथं ल्यःगु दु ।

न्ह्यसः लिसः कासा मू ग्वसाः पुचलय् अमेरिका, क्यानाडा, बेलायत, आयरल्याण्ड, बेल्जियम, इस्टोनिया व न्यूजिल्याण्डपाखें नं प्रतिनिधित्व जुयाच्वंगु दु ।

सुभाय्

रश्मिला प्रजापति
(कजि)

उदेन न्हूसाय्मि
(लिउ कजि)

प्रचारप्रसार कमिटी प्रचारप्रसार कमिटी
हलिं नेवाः न्ह्यसः लिसः कासा ११४१

हलिं नेवा: न्ह्यस: लिस: कासा ११४१ या नियम

हलिं नेवा: न्ह्यस:लिस: कासा – पुच: दुथ्याकिगु फारम

nepalbhasa quiz WNO world newah organization