नेपाल सम्बत ११३८ चिल्लागाः आमै, आइतबार खुनु लन्दनया आर्त पभिलियोनय् नेपाल लिपि स्यनेज्याया ग्वसाः जूगु दु। खुगु निसें न्हेगु सदि पाखेया नेपालभास व संस्कृत च्वयेगु नितिं छ्यलीगु हलिंया सकसे बांलाःगु आखलय् ल्याःखाइगु रञ्जना लिपि खः। दच्छिन एसियाय् बुद्द धर्मया म्हालासालाय् तःधङ्गु भूमिका दूगु लिपि झिन्च्याक्वःगु सदिया दथुइ निसें झिन्गुक्वःगु सदिया दथु तक्क अप्वलं क्वन्ह्यात। नेपालभासाय् हे प्रतिबन्द याःगु इलय् थ्व लिपिं नं यक्व बज्रपात स्वय् माल। आः स्वनिगलय् च्वंपिं नेवाःत थ्व लिपि हाकनं म्वाकेगु नितिं न्ह्यचिलाःच्वङ्गु झ्वलय् थज्याःगु स्यनेज्या युरोपय् न्हापाङ्गु खः।

मतिना पिथनाया मू सम्पादक ससि महाजु ज्याझ्वः नायः कथं मार्च ३१ खुनु जुइगु हलिं नेवाः न्हिया लसताय् हलिं नेवाः संस्थाया युके शाखा नं थुगु स्यनेज्या न्ह्याकूगु खः। हलिं नेवाः संस्थाया यु.के. च्याप्तरया कजि संयुक्त श्रेष्ठ पाखें स्यनेज्याझ्वः निघौया नितिं न्ह्यात। यक्व हे मनूतयेसं ब्वति कयेगु मन्तुना तसें ज्याझ्वः ययेकुगुलिं ग्वसाः खलकं हाकनं हाकनं थज्याःगु ज्याझ्वः यानाच्वनेगु लिच्वः बियादिल।

स्यनेज्याय् आपालं बेलायतमितयेसं च्युता तयादिल। स्यनेज्या क्वचाःबलय् ब्वतिकाःपिन्सं थःम्हं हे रञ्जना लिपिं थःगु नां च्वय् सयेकादिल। स्यनेज्यालय् रञ्जना अाख: दुथ्याका च्वकिपा च्वइदिपिं नेपा:या कलाकारत समरदिप, अानन्द महर्जन व बिमल बोलाखेया थिथि किपा क्यने‍ज्या जुल। यन्त्रकला, आर्त क्याचर, तावर हम्लेत काउन्सिल अफ लन्दन थ्व ज्याझ्वःया ल्यू ग्वसाः खलकय् दुथ्याः।

Nepal Lipi Calligraphy Workshop in London
A workshop on Nepal Lipi was organized in Art Pavilion, London on Sunday 17th March.
One of the world’s most beautiful scripts dating back to at least the 6-7th century, Ranjana, is a writing system primarily used to write Nepalbhasha and Sanskriti. While the script played a crucial role in preserving Buddhism in South Asia and beyond, it faced rapid decline from the mid 18th till mid 19th century. Following a ban on the language itself, it faced a severe blow during the Rana regime. In recent years, the Newars of Kathmandu are active in its revival and this workshop is the first of its kind in Europe.

The workshop was organized by World Newah Organisation (UK Chapter) as a part of the World Newah Day (March 31, 2018) celebration worldwide, and chaired by Shashi Mahaju, chief editor of Matina Publications. Sanyukta Shrestha, co-ordinator, WNOUK, conducted the workshop which ran for two hours. Following a huge interest drawn in, the organizer has decided to conduct the workshop regularly in the future.

The workshop was participated mainly by British residents who showed keen interest in learning the script. By the end of the workshop, the participants were able to write their name in Ranjana script without any supervision.

Calligraphic works by Nepali artists like Sramdip, Ananda Maharjan and Bimal Bolakhe were also exhibited at the workshop. The workshop was also co-organised by yantrakala, Art Catcher, and Tower Hamlets Council of London.