FRI MAR 4, 2011

भ्रष्टाचार याःगु द्वपं बियातःम्ह नेपाल वायु सेवा निगमया निलम्बित कार्यकारी निर्देशक सुगतरत्न कंसाकारप्रति वर्ल्ड नेवाः अर्गनाइजेशनं च्यूताः प्वंकूगु दु । अर्गनाइजेशनं छगू प्रेश वक्तव्य पिथनाः न्यायाधीसपिं गौरीबहादुर कार्की, अोमप्रकाश मिश्र व केदारप्रसाद चालिसें निराधारा रुपं कंसाकारयात द्वपं ब्यूगु व थज्याःगु गैरजिम्मेवारीपूर्ण ज्यां नेपाल वायु सेवा निगमया नेपाल भ्रमण वर्ष २०११ या लक्षित आज्जु पूमवनीगु धयातःगु दु ।

कंसाकार छम्हसित जक ६ करोड तकाया धरौटि फ्वनेगु व उगु हे सदस्य दलया मेपिं न्याम्हेसित म्हो जक धरौटिइ त्वःतेगु न्यायसंगत मजूगुलिइ अर्गनाइजेशनं भत्सर्ना याःगु दु । सुगतरत्न कंसाकार पूर्णरुपं निर्दोष जूगु न्ह्यथँसें सम्वन्धित घटनाप्रति फयाफक्व याकनं स्वच्छ व निश्पक्ष छानविन यानाः दोषीतय्त कारवाही यायेमाःगु माग अर्गनाइजेशनं याःगु दु ।

थुकिया हे दथुइ सान फ्रान्सिस्को, क्यालिफोर्निया नेपाः खलकं नं सुगतरत्नया पक्षय् न्यायया लागि जुयाच्वंगु आन्दोलनय् एक्यवद्धता प्वंकूगु दु ।

श्रोत – http://www.nepalmandal.com/content/12912.html